والنهاردة هنكلمكم عن الــ 40 عنصر تسويقي اللي اقترح خبراء التسويق إضافتهم للمزيج التسويقي.
خلونا نقولكم إن حتى اللي اقترحوا تعديلات على عناصر الــ Marketing Mix الأساسية هما نفسهم ملتزموش فعلياً بالكلام ده، ورجع بعضهم لعناصر المزيج التسويقي الأربعة الأساسية وهم: (المنتج والتسعير والترويج والتوزيع) بما فيهم Philip Kotler نفسه، وإعتبروا إن الــ 40 عنصر دول بيندرجوا تحت الــ 4P's
يلا نقدملكم شرح مُبسط للــ 4P's الأساسية:
1- المنتج - Product
المنتج هنا ممكن يكون سلعة أو خدمة أو فكرة وممكن يكون تركيبة بتجمع ما بينهم، دا لأن المنتج في مفهومه الواسع عبارة عن مجموعة خصائص ملموسة: Tangible-characteristics وغير ملموسة (Intangible characteristics) بتقدم فوائد أو منافع وظيفية واجتماعية ونفسية، والمقصود بعنصر الــ Product في المزيج التسويقي هو تطوير المنتج اللي بتقدمه الشركة.
وتطوير المنتج بيحتاج دراسة احتياجات ورغبات الناس أو الأسواق المستهدفة وتخطيط ووضع مزيج المنتجات (الخدمية أو الفكرية أو السلعية) اللي هتتناسب مع المستهلكين. الأمر ممكن يحتاج إعادة تصميم المنتج وإجراءات تقديمه من جديد، أو تنويع وتشكيل الخدمات والمنتجات علشان تحقق إحتياجات مختلفة، بالإضافة للإهتمام بأمور زي التغليف والضمان والصيانة ودا حسب طبيعة المنتج.
2- التسعير - Price
والمقصود بيه السعر اللي هيتم بيه عملية المبادلة بين المنتج والمستهلك. أما تحديد السعر فبيكون بعد دراسة عدد من المتغيرات زي (المنافسة، تكلفة المواد الخام، هوية المنتج، توقعات المستهلك المسبقة للسعر، الخ..)
وعملية التسعير بتأثر بلا شك على المركز التنافسى للمشروع ونصيبه أو حصته من السوق وبالتالى على الأرباح الممكن تحقيقها، علشان كدا أثناء دراسة الجدوى التسويقية لازم نهتم كويس بدراسة العلاقة بين السعر والطلب والتغيرات الي بتطرأ على أسعار المنافسين كنتيجة لوجود منتجين جدد لنفس السلعة أو بديل ليها في السوق.
3- الترويج - Promotion
وهو طريقة الاتصال بالسوق المستهدف، من خلال Marketing Channels كتيرة زي (الاعلانات، وأنشطة العلاقات العامة، وتنشيط المبيعات..الخ)
والــ Promotion يعتر أهم عنصر في الــ Marketing Mix وهدفه هو إقناع المستهلكين أو العملاء المحتملين وتهيئتهم نفسياً وتعريفهم بـــ :
الــ Brand
الــ Products واستخدماته
الــ Prices
الــ Benefits
الــ Brand
الــ Products واستخدماته
الــ Prices
الــ Benefits
يتبع .....
emarketing square
emarketing square
مهتم بالتكنولوجيا من اكتر 7 سنين وهدفي زيادة الوعي عند الناس ناحية التكنولوجيا
تحويل كودإخفاء محول الأكواد الإبتساماتإخفاء