بَصَلَة التسويق الحلمنتيشي emarketing square

عشان ماتصومش وتفطر على بصلة التسويق الحلمنتيشي، يبقى لازم تتابعنا وتطبق كل كلمة هنقولها، لأننا فكرنا إزاي نجيب من الآخر عشان نفيدكم بعد ما شوفنا الفترة الأخيرة كتير من شركات التسويق الالكتروني شغالة بطريقة باب النجار مخلع :) إلا من رحم ربي.. فقولنا إيه يعمل الترقيع فى الثوب البالي، وعشان كدة هنبدأ من جديد ومن الصفر معاكم.. وهدفنا قبل ما تتعامل معانا مباشرة عشان ننفذلك شغلك، إننا نوجهك ونعلمك أصول المجال اللى بقى في أحيان كتيرة عبارة عن شوية معلومات مغلوطة على شوية فتي من كل صفحة شكل، واللى بنقف قدامها نقول أسمع كلامك أصدقك، أشوف أمورك استعجب! وعشان منبقاش بنفتي لأن المفروض من قال لا أعلم فقد أفتى :D

اللهم طولك يا روح.. ايه اللي بعد الرغي ده كله؟! :)
شركات كتير وصفحات كتير بتدخل عليها تحسبها موسى تطلع فرعون مع إنها بتكون واضحة جداً إنها بتتلاعب بعقول جمهورها وعملاءها، أو بتقول كلام عمر الــ Admins ما نفذوه بإيديهم، فاللي ميشوفش من الغربال يبقى أعمى :)

عشان كدة قررنا إننا مش هنديلكم سمكة لكن هنعلمكم ازاي تصطادوا ;)

بنوجه كلامنا للناس والشركات اللي اتعاملت مع شركات أو أفراد فى التسويق الالكتروني واتلسعت منها ودلوقتى بتنفخ فى الزبادى، والشركات اللى لسة قاعدة تتفرج من برة وتقول هو الناس اللى جوة المجال دول بيعملوا إيه؟! ومش فاهمين حاجة.. وكمان اللى عاوزين يشتغلوا فى المجال ومش لاقيين حد يدلهم على الطريق الصحيح واللى بيدلهم عالطريق بيكون غلط، وعشان اللي عنده دم أحسن من اللى عنده فلوس، فإحنا قررنا إننا يكون من اللي عندهم دم ونقولكم عالمختصر المفيد والزتونة، والكلام م الآخر اللى يخليكم أحسن ناس وأحسن شركات فى مجالكم :D

خلونا نقولكم إن إحنا eMarketing Square شركة متخصصة فى مجال التسويق الرقمي.. بس مش شركة تقليدية، لا فى العلم، ولا فى التنفيذ، ولا فى فريق العمل، ولا فى الأفكار..
إحنا شركة بنحب مجالنا جدًا وعشان كدة بنوعدكم بمحتوى قوي جدًا على الــ Page بتاعتنا وبقية الــ Social Networks بتاعتنا :)

والمثل بيقول اسأل Square وماتسألش فهلوي ;)
عشان كدة هنتكلم فى مجالات تخصصنا وبس اللى هي :
- Social Media Marketing
- Social Media Management
- Search Engine Marketing
- Branding
- Online Advertising
- Company Identity
- Content Production
- Digital Marketing Consulting

نفس التخصصات دى هي اللى إحنا بننفذها للعملاء بتوعنا وهي نفسها اللي هنتكلم عنها على كل صفحاتنا من خلال شبكاتنا الاجتماعية كمحتوى تعليمي قابل للتطبيق.

إحنا من الشركات القليلة جدًا اللى مش بتقدم Packages على موقعها للعملاء، إنما بتقعد نسمع العميل كويس مرة واتنين وتلاتة عشان نعرف احتياجاته ورغباته وقدراته وجمهوره المستهدف، عشان نقدر نقدمله الشغل اللي يناسبه بالسعر اللي يناسبه للجمهور اللى يناسبه، لأن نتيجة الشغل ده يعبر عن احترافيتنا فى المجال، وزي ما هينعكس على شغل العميل هيعملنا سمعة كويسة فى السوق، وهو ده اللى إحنا بنسعى له..

إحنا رؤيتنا بعد أول سنة إننا نكون من الخمس شركات الكبرى فى التسويق الرقمي فى مصر وفى أول 3 سنوات نكون من الـ10 الكبار فى الوطن العربي بإذن الله .

عشان نكون واضحين إحنا مش بنربط الحمار مطرح ما يقول صاحبه إحنا بنعمل الصح.. أيوة زي ما غسان مطر بيقولها لحزلئوم :D

إحنا مش بنمشى بمبدأ الباب اللي يجيلك منه الريح سده واستريح، لأن ممكن نكسر الباب نفسه ونغير مسار الريح وفيه حلول تانية كتير..

كل واحد فى فريق العمل عنده خبرة كبيرة فى مجاله، ومعظمنا اشتغل فى مشاريع وشركات قبل كدة كتير.. إحنا مش بنعتبر العميل عميل ولا احنا شركة بتنفذ وخلاص، إنما بنعتبر نفسنا شركاء نجاح مع صاحب السلعة أو الخدمة اللى بنشتغل على تسويقها وهو كمان بيساعدنا فى التنفيذ عشان نوصل مع بعض للهدف المنشود

))emarketing square((

• غرد
• شاركه
• شاركه
• شاركه
• شاركه

عن الكاتبali taha

مهتم بالتكنولوجيا من اكتر 7 سنين وهدفي زيادة الوعي عند الناس ناحية التكنولوجيا

مقالات قد تهمك