قصة نجاح Maktoob .. أول Email عربي
لو إنت من مواليد الثمانينات يبقي أكيد كنت من زوار أو أعضاء منتدايات مكتوب اللي كان عددهم 13 منتدى أشهرهم (DVD4ARAB) واللي للأسف شركةYahoo قررت إغلاقهم جميعا سنة 2014 بعد ما إشترت الموقع بــ 5 سنين بسبب هجرة المستخدمين للــ Social Media
موقع Maktoob.com اشتهر كأول موقع عربي بيقدم خدمة البريد الإلكتروني باللغة العربية، قدر يحقق نجاح وجماهيرية كبيرة ويستخدمه ملايين العرب في العالم.
إتأسس سنة 1998 على يد 3 شبان أردنيين هما سميح طوقان، وفادي غندور وحسام خوري.
إتأسس سنة 1998 على يد 3 شبان أردنيين هما سميح طوقان، وفادي غندور وحسام خوري.
موقع Maktoob قدم الايميل العربي كخدمة جديدة وحصرية للمستخدمين العرب في الوقت اللي كان فيه yahoo و hotmail محتكرين الخدمة تقريباً وبيقدموها باللغة الإنجليزية فقط.
ايميل مكتوب بعد انطلاقته التجريبية مباشرة كان مشترك فيه 5 آلاف مستخدم عربي. وخلال سنتين بس وصل عدد المشتركين لـ 100 ألف مشترك. وبعد نجاح الموقع قررت إحدي الشركات المصرية سنة 2001 المشاركة فيه كمستثمر مالي واستثمرت بمبلغ 2.5 مليون دولار للترويج للموقع بطرق مختلفة، زي الجرايد والمجلات وطبعا الانترنت والايميل، ووصل عدد مشتركي الموقع بعدها لمليون مشترك وزاد بعدها بسنة لــ 2 مليون مشترك في 2002.
مؤسسين مكتوب التفتوا كمان لندرة المحتوى العربي على الانترنت وبدأو يفكروا في تقديم خدمة المحتوى العربي من خلال المنتديات اللي أنشئوها في الموقع وإستفادوا هنا في البداية من ايميل مكتوب في الترويج للموقع وبالفعل نجح الموقع مش بس عربيًا ولكن عالميًا كمان.
في سنة 2004 كان في حملة إعلانية ضخمة للموقع شعارها "سجّل أنا عربي" ساهمت بشكل كبير في تسجيل ملايين المستخدمين العرب في مكتوب اللي كان ساعتها بيقدم بالاضافة لخدمة الايميل سعة 1000 جيجا بايت، ودي كانت أكبر سعة عالميًا، كمان كان فيه خدمات تانية مُغرية زي (الدردشة، وبطاقات المعايدة، والموسيقى، و الزواج، والصداقة والتعارف، والقاموس، والأخبار، والخدمات الإسلامية) فساهم الاشتراك المجاني والخدمات المجانية في زيادة عدد المشتركين ومن الأعمار الصغيرة خصوصا بسرعة كبيرة.
سنة 2009 أدركت شركة Yahoo أهمية مكتوب بعد ما وصل عدد مستخدمية لـ 16 مليون وقررت تشتري الموقع علشان يكون امتداد ليها في منطقة الشرق الأوسط، وتم بالفعل بيع الموقع في صفقة قدرت بحوالي من 85 لـ 100 مليون دولار. وأصبح عنوان الموقع maktoob.yahoo.com.
في سنة 2013 كان القرار السيء لــYahoo المالك الجديد لـ Maktoob بإغلاق مدونات مكتوب علشان تحول المستخدمين لموقع التدوين المصغر Tumblrوبعدها بسنة في ديسمبر 2014 أخدوا قرار أشد سوءاً بإغلاق منتديات مكتوب اللي كانت بتضم 13 منتدى واللي كان أشهرهم DVD4ARAB اللي كان بيضم 1.7 مليون مستخدم!
خلونا نقول إن سبب نجاح مؤسسي موقع Maktoob وقتها مش إنهم إبتكروا شيء جديد فقط، ولكن لإنهم قدروا يطوروا خدمات موجودة فعليًا علشان تلبي احتياجات الجمهور العربي اللي كان بيضطر يستخدم مواقع وخدمات بلغات تانية علشان يستفيد من الإنترنت..
والخلاصة.. إن النجاح مش بس إنك تصنع شيء متميز، ولكن إنك تطوره كمان حسب رغبات واحتياجات جمهورك، وتقدمهاله بشكل مناسب وجذاب، وهو ده اللي بيصنع النجاح الحقيقي..
emarketing square
مهتم بالتكنولوجيا من اكتر 7 سنين وهدفي زيادة الوعي عند الناس ناحية التكنولوجيا
تحويل كودإخفاء محول الأكواد الإبتساماتإخفاء