إزاي تخلي الــ Fans يكرهوك على الــ Social Media ؟!
لو إنت Brand وعايز الــ Audience بتوعك يكرهوك ويطفشوا منك، يبقى ركز معانا في الــ 12 خطوة دول ونفذهم بالحرف
1- إعمل إعلانات عن منتجاتك كتير وزهّق الناس في عيشتهم ومتخليهومش يشوفوا حاجة غير إعلاناتك!
2- إوعى تعمل إعلانات خالص لمنتجاتك واستنى العملاء يجولك لحد عندك! متتعبش نفسك وتدور عليهم!
3- اعمل مسابقات كتييير وكل شوية وإقلبها سيرك وسيبك من المبيعات
4- لو حد من الــ Audience بتوعك قال رأي معجبكش، إحذفه علطول من الــ Page ومتكلفش نفسك إنك ترد عليه وتعرف هو قال كده ليه أصلًا.. ياراجل كبر مخك
5- اكتب بوست طويـــل جداً علشان تبين للناس إن منتجاتك مليانة مميزات، أو إعمل فيديو مدته ساعة مثلًا بتشرح فيه المنتج بتاعك زي الإعلانات إياها بتاعة البطاطين
6- اقعد إشتم في المنافسين وبهدلهم على صفحتك، وخلي الناس تعرف إنك أحسن واحد فى المجال ده!
7- إتكلم في السياسة وفي الدين وخبط براحتك، وإشتم الزمالك أو الأهلي، واللي مش عاجبه يمشي!
8- لو فيه Client ضايقك إنشر حسابه الشخصي على الصفحة وخلي جمهورك يبهدله ويعمل عليه حفلة لإنه قال رأيه فيك وفى منتجك!
9- روح اشتريلك كام ألف لايك كده من عند بتاع اللايكات عشان صفحتك يظهر إن فيها عدد كبير من الناس ويبقى عدد في اللمون والسلام! ومش مشكلة الــ Engagement ولا إن الحسابات دى Fake .. أهم حاجة منظرك قدام الناس
10- بلاش ترد على الــ Comments بتاعة الناس علطول! سيبهم يعلقوا واتقل كده ومتبقاش خفيف أحسن يفكروا إنك قاعد مش وراك شغل غيرهم
11- إنشر كل شوية نكتة سخيفة من صفحات أساحبي وأزميلى وده هيزودلك التفاعل على الصفحة وهتعمل أحلى شغل وممكن بعد كدة تقلبها صفحة كوميديا وبلاش تبيع Products بقى وغير نشاطك أحسن.. بلا هَم يا شيخ
12- كل ما تكتب كلمة اعملها #هاشتاج .. ده ببلاش هو إنت خسران حاجة؟! كتر من الهاشتاجات عشان الكلام يبقى لونه أزرق وجميل كده
قولولنا بقى رأيكم في الــ Piece of Content دي.. ويلا Share لو عايز تفيد غيرك
ملحوظة: طبعًا لو عايز تنجح على الــ Social Media وتحقق نتائج حقيقية، أكيد لازم تعمل عكس كل الكلام اللي إتقال ده.. بس إحنا حبينا نوصلكم Value بطريقة مختلفة
emarketing square
emarketing square
مهتم بالتكنولوجيا من اكتر 7 سنين وهدفي زيادة الوعي عند الناس ناحية التكنولوجيا
تحويل كودإخفاء محول الأكواد الإبتساماتإخفاء