emarketing square : الــ Market Research أول مرحلة في التسويق..

الــ Market Research〽 أول مرحلة في التسويق..

فكرنا في ‪#‎eMarketing_Square‬ نقدملكم أساسيات علم التسويق بشكل منهجي وبسيط، وفي نفس الوقت نربطه بالــ Digital Marketing علشان يكون معاكم الــKnowledge والــKnow-how .. يعني من الآخر بنوصلك العلم وإزاي تطبقه بأهم الأدوات بتاعته 😊

علشان كده هنكلمكم النهاردة عن عنصر مهم جدًا في الماركتنج اسمه " أبحاث السوق " أو الــ Market Research واللي بيعتبر أول وأهم مرحلة في العملية التسويقية على الإطلاق، ومن غيره مش هتعرف تشتغل صح..

في المرحلة الأولانية دي بنقوم بدراسة الــ Market أو السوق بشكل شامل، وبتكون عملية الدراسة دي قايمة على جمع وتسجيل وتحليل أكبر كم من المعلومات والــ Data بدقة عن السوق والمنافسين والعملاء المحتملين.

والهدف من دراسة السوق هو مساعدة الشركة أو المؤسسة على وضع الــ Business Plan بتاعتها، وتحديد المنتجات أو الخدمات اللي هتقدمها، وتحديد بدقة الــ Market Segmentation أو الشرائح المستهدفة من الــ Product بتاعك، وده بناءً على عدة عوامل زي السن، والجنس، والمكان، ومستوى الدخل.. كمان الــ Market Research هيساعد شركتك أو مؤسستك على التوسع في أسواق أخرى.

أبحاث السوق ليها أدوات وأساليب كثيرة ومش متوقفة على طريقة واحدة، وبتختلف باختلاف السوق والناس والمنتج والظروف والميزانية.. الخ، والــ Marketer الشاطر هو اللي يقدر يختار منها اللي يناسب ظروفه وشركته والــ Product بتاعه.

يعني لو قلنا مثلًا إنك هتسأل واحد صاحبك عن أفضل Mobile Store لبيع الموبايلات، فــ ده يُعتبر من دارسة السوق اللي دقة نتائجه بتكون معتمدة على خبرة صاحبك وعلى رأيه والصورة الذهنية اللي كونها عن الــ Mobile Store ده. ولما تبحث عن أفضل الــ Blogs النشطة علشان تطرح وتناقش فيها مواضيعك، ولما تبحث عن أفضل الشركات في مجالك علشان تشتغل معاها B2B فدي كلها تعتبر من الــ Market Research وهكذا..

طب إزاي نعمل الــ Market Research في الــ Digital Marketing ؟

لو بنتكلم عن دراسة السوق في الــ Digital Marketing فممكن نعتمد بشكل أساسي في البحث على موقع Google اللي هيساعدك في عملية تجميع المعلومات والــ Data اللي إنت محتاجها.. لكن ده مش هيكون كفاية لو بنتكلم مع ناس متخصصة زي الــ Marketers

وعشان كده هنقولكم على شوية Tools مهمة جدًا ومتخصصة في الــ Digital Marketing لدراسة السوق Online :-

• Google Trends
• Google Keyword Planner
• Google Display Planner
• Socialbakers.com
• Fanpagekarma.com
• simplymeasured.com
• keyhole.co
• Trends24.in

emarketing square

• غرد
• شاركه
• شاركه
• شاركه
• شاركه

عن الكاتبali taha

مهتم بالتكنولوجيا من اكتر 7 سنين وهدفي زيادة الوعي عند الناس ناحية التكنولوجيا

مقالات قد تهمك