emarketing square : اهمية الماركتينج 1

هنكمل كلامنا معاكوا في موضوع مهم جدا جدا بالنسبه للكتير واللي ممكن يستفيدوا منه ف شغلهم وف التسويق بتاعهم

هنتكلم النهارده وهندردش النهاردة معاكم شوية في

Marketing وأهميته لأي

 Business

الماركتنج عملية مهمة جدًا لنجاح أي Business .. يعني مش رفاهية ولا سَد خانة زي ما ناس كتير فاكرة، ولا فلوس بتتصرف على الفاضي في حملات ملهاش لازمة.

أهمية التسويق بإختصار شديد راجعة لسبب إن أصلاً مفيش شركة بتبيع من غير ما تسوق، ومفيش عميل بيشتري من غير تحفيز، وده لأن مهما كانت كفاءة الــ Products أو مستوي الــ Services فعملية الــ Marketing هي اللي بتقدر تأثر على قرار العميل في إنه يشتري وتخليه يتمنى الحصول على المنتج أو الخدمة، وده طبعا مش معناه إن التسويق هدفه بيع منتجات رديئة على حساب منتجات تانية الــ Quality بتاعها أعلى، لكن نقصد إن المنتج اللي بياخد حقه في التسويق هو اللي بيوصل للسوق وبيطلبه المستهلك والعكس صحيح.

عندك في الشركات الصناعية مثلا أهمية التسويق مبتقلش عن أهمية الإنتاج، لأن مفيش قيمة للإنتاج من غير عملية تسويق وعملية بيع.

علشان كدا بنلاقي تكلفة التسويق في أغلب الشركات الكبيرة بتوصل لــ 50% من سعر بيع المنتج! يعني متساوية تقريبًا مع تكلفة إنتاجه.

وفي الغالب نجاح المشروع كله ممكن يعتمد على حل مشاكل التسويق وتوزيع المنتجات، وعلي رأي المثل "حُسن السوق ولا حُسن البضاعة".

من هنا نقدر نقول إن التسويق مش رفاهية ولا وجاهة ولا Option زيادة ولا سد خانة ممكن تضيفه لشركتك، إنما هو عنصر أساسي من عناصر نجاح البيزنس بتاعك، والــ Budget اللي هتتصرف عليه أكيد هتحققلك أهداف الــ Business محتاجها.

نيجي بقى لأهداف الــ Marketing .. طبعًا كل شركة بيكون ليها أهداف مختلفة من العملية التسويقية حسب الــ Activity والجمهور اللي بتستهدفه لكن جميع الشركات في النهاية بتتفق في تحقيق عدد من الأهداف من خلال عملية التسويق وهي ::

1- زيادة المبيعات:

هدف جميع الشركات من التسويق إنها تحقق أكبر قدر ممكن من الــSales في السوق، لكن مفيش شركة بتوصل للنتيجة دي طبعًا من غير ما تكون الأول عارفة السوق محتاج منها إيه..

يتبع .....

emarketing square 

• غرد
• شاركه
• شاركه
• شاركه
• شاركه

عن الكاتبali taha

مهتم بالتكنولوجيا من اكتر 7 سنين وهدفي زيادة الوعي عند الناس ناحية التكنولوجيا

مقالات قد تهمك