emarketing square : ايه الماركتينج 2

هنكمل موضوعنا : مع الجزء التاني
ــــــــــــــــــــــــــــــــــــــــــــــــــــــ

بعد كده تبدأ تحدد الــ Objectives اللي عايز تحققها واللي هتبني خطتك عليها وبتكون بناء على الـ Vision و الـ Mission بتاعة شركتك أو مشروعك واللى بتكون معروفة من الـ Business Plan الكبيرة الخاصة بالشركة. وهنا بتساعد في علاج نقاط الضعف ووضع بدائل لنتيجة المخاطر اللي ممكن تحصل في المستقبل واللي انت حددتها في SWOT Analysis زي مثلاً (Brand Awareness - Market Share)

لازم تراعي إن أهدافك تكون Smart :) يعني أهداف محددة مش عامة، وتكون قابلة للقياس، وتكون واقعية وقابلة للتحقق حسب إمكانياتك، وتكون محددة بوقت.

في المرحلة اللي بعدها هتبدأ تحدد الــ Strategy يعني هتكتب الطرق اللي هتخليك تحقق الأهداف اللى كتبتها فى الخطوة اللى فاتت، وبتطبق هنا Concept الــ S.T.P اللي هي اختصار لـــ 
Segmentation تقسيم السوق إلي شرائح
Targeting تحديد الشريحة المستهدفة
Positioning الصورة الذهنية اللي عاوز تحفرها في ذهن العملاء المستهدفين عن البراند

بتحدد كمان إيه هي الـ Marketing Channels اللي هتوصل من خلالها للــ Target Customers، كمان بتحدد في حالة إنك هتشتغل على الــ Social Media هتعمل Content Strategy و Social Media Strategy ولو هتشتغل على الــ Search Engine هتحدد SEO Strategy وهكذا..

بعد كده بتحدد الــ Tactics وهي تفاصيل أكتر عن الــ Strategies زي مثلا خطة جدولة الــ Posts والــ Post Timing والــ Frequency وأنواع الــ Content اللي هتشتغل عليها، وطريقة تقديم المحتوى للجمهور المستهدف.

لما تخلص هتبدأ تعمل الــ Actions وهي تفاصيل الــ Tactics وفيها بتحدد المهام المطلوبة للتنفيذ ووقت التنفيذ والمسؤول عن التنفيذ والأدوات المستخدمة فى التنفيذ والميزانية لكل نقطة.

كده خلصت؟! لا طبعاً مخلصتش.. إزاي هتتحكم في كل اللي فات ده؟! =D

لازم يبقى فيه Control وهنا بتحدد إيه هي الــ KPI's اللي هتقيس عليها الأداء بتاعك.
اللي هي اختصار لــ Key Performance Indicators

وفيها بتحدد الـ ROI اللي هي لما تصرف كام أرباحك هتكون كام؟
اللى هي اختصار لـ Return On Investment

في مرحلة الــ Control دي بتعمل A/B Testing وتجرب كل حاجة قبل ما تبدأ فى التنفيذ وكمان بتحدد إيه الأدوات اللي هتستخدمها في تحليل الأداء سواء للــ Social Media أو للـ Website زي Google Analytics والــ Page Insights وأدوات الـ Monitoring عشان تعرف رأي الجمهور فى البراند بتاعك زي Fan Page Karma وأي أداة تحليلية هتساعدك فى شغلك. وفى النهاية بتحدد الــ Process لكل حاجة هتمشي إزاي عشان مفيش حاجة تتعارض مع حاجة تانية من المهام اللي هتتنفذ.

وفي النهاية لازم تكون مظبط الناحية التانية من شغل الــ Marketing وهي الــ Sales والمسؤولين عن الــ Sales والناس اللي هتستقبل إتصالات العملاء واللي هيعمل Follow up واللي هيعملوا الــ Close Deals معاهم.

emarketing square

• غرد
• شاركه
• شاركه
• شاركه
• شاركه

عن الكاتبali taha

مهتم بالتكنولوجيا من اكتر 7 سنين وهدفي زيادة الوعي عند الناس ناحية التكنولوجيا

مقالات قد تهمك