جعفر الطيَّار
والــ Brand Attack
سمعنا
كتير عن سفراء ومفاوضين بارعين، قدروا يدافعوا عن بلادهم ويمثلوها أحسن تمثيل.. بس
إحنا هنكلمكم في المقالة دي عن سفير ومُفاوض بارع من طراز خاص، وواحد من أعظم
الـــ Marketers في التاريخ الإنساني.. الشخص
العظيم ده هو الصحابي جعفر بن أبي طالب الهاشمي، والمشهور بــ جعفر الطيَّار.. هو
ابن عم النبي صلى الله عليه وسلم وأخو علي بن أبي طالب..
اتشهر
بالــ طيَّار لأنه فَقَد ذراعيه الاتنين أثناء ما كان واحد من القادة في معركة
إسمها مؤتة، فالنبي صلى الله عليه وسلم قال: "أن الله قد أبدله بدلاً منها
بجناحين يطير بهما في الجنة" ومن وقتها إتعرف بجعفر الطيَّار
جعفر
بن أبي طالب كان سفير النبي صلى الله عليه وسلم والمسلمين في الحبشة، وقائد الوفد
اللي هاجروا معاه.. وهناك واجه أكبر حملة تشويه ضد الإسلام والمسلمين اللي هاجروا
معاه للحبشة.. لأن لما قريش عرفت بالهجرة دي خافت على مصالحها، وبعتت وراهم عمرو
بن العاص ومعاه هدايا للنجاشي ملك الحبشة؛ علشان يقدر يقنعه بالصورة المشوهة اللي
عايز يملى بيها دماغه ضد المسلمين علشان يسلمهملوا.. بس بلغة الماركتنج قدر جعفر
بن أبي طالب إنه يتصدى للهجوم ده ويتعامل مع الــ Brand Attack دي بحكمة وذكاء، وقدر يقنع النجاشي (ملك الحبشة) بفكرته ودينه
وإنه يستقبل المسلمين المهاجرين في الحبشة (أثيوبيا دلوقتي)
هو
يعنى ايه أصلًا Brand Attack وإزاي
تتعامل معاها؟!
يعني إنه يحصل هجوم على شركة أو مؤسسة كبيرة أو صغيرة أو أي مشروع، والهجوم ده غالبًا بيكون لسبب منطقي زي سوء الخدمة المُقدمة أو ضعف مستوى خدمة العملاء أو لأي سبب تاني، وممكن يكون لسبب غير منطقي زي تعارض المصالح وإنك كــ منافس جديد هتضر بمصالح المنافسين القدام.. وهو ده اللي حصل بالظبط مع جعفر بن أبي طالب والمسلمين اللي هاجروا معاه للحبشة..
يعني إنه يحصل هجوم على شركة أو مؤسسة كبيرة أو صغيرة أو أي مشروع، والهجوم ده غالبًا بيكون لسبب منطقي زي سوء الخدمة المُقدمة أو ضعف مستوى خدمة العملاء أو لأي سبب تاني، وممكن يكون لسبب غير منطقي زي تعارض المصالح وإنك كــ منافس جديد هتضر بمصالح المنافسين القدام.. وهو ده اللي حصل بالظبط مع جعفر بن أبي طالب والمسلمين اللي هاجروا معاه للحبشة..
فكان
الهجوم شرس ومنظم، ولكن ضد الفكر والعقيدة اللي هما مؤمنين بيها، وكان بتحريض من
عمرو بن العاص (قبل إسلامه طبعًا) وكان الهدف من الــ Attack دي هي تشوية عقيدة المسلمين وصورتهم قدام النجاشي ملك الحبشة،
علشان ميقدروش يسوقوا عقيدتهم دي في الحبشة، ويطردهم من البلد ويرجع عمرو بن العاص
بيهم لمكة ويتخلصوا منهم، لأنهم هيضروا بمصالحهم وعلاقتهم بملك الحبشة..
خلينا
نقولكم إن من أهم قواعد التعامل مع الهجوم المُمنهج أو الــ (Brand Attack) إنك تتفاعل معاها بعقل وحكمة وبسرعة، لأنك لو سبتها هتتطور
بشكل سلبي ومواجهتها هتبقى صعبة بعد كده.. بس جعفر بن أبي طالب إتعامل مع الــ
Attack دي بحكمة وبسرعة، وقام يدافع عن فكرته وعقيدته هو
المسلمين اللي معاه قدام ملك الحبشة بمنتهى القوة والذكاء وبكلمات من ذهب، بعد ما
خلص عمرو بن العاص هجومه الشرس عليهم..
emarketing square
emarketing square
مهتم بالتكنولوجيا من اكتر 7 سنين وهدفي زيادة الوعي عند الناس ناحية التكنولوجيا
تحويل كودإخفاء محول الأكواد الإبتساماتإخفاء